ადამიანის შემოქმედებითი გენიის ტრიუმფი, სახეებში ხორცშესხმული ოცნება,ფიქრი და სილამაზე; ჯადოსნური ფუნჯის ან საჭრეთლის შეხებით თითქოს გაქვავებული, მაგრამ მაინც მოძრავი და ცვალებადი სინამდვილე; ნაცადი საშუალებებით ასახულ-განსახიერებული განცდა და იდეა, ქალის მშვენიერება და მამაკაცის ძლიერება; ცისა და მიწის მომხიბლაობა, სიცოცხლის ჰიმნი,ხილული იდეალი; ცოცხალი სინამდვილის თუნდაც ფრაგმენტები, ერთი მონაკვეთი, რასაც გარკვეული ფორმა და შინაარსი ეძლევა,-აი, რა არის ხელოვნება, მაგრამ რაოდენ კაზმული, პოეტური ფრაზებიც არ უნდა მოვიშველიოთ, ხელოვნების სიღრმეს, სივრცესა და ნაირფეროვნებას ვერ ამოვწურავთ.

www.google.ge

ხელოვნება რთული ფენონემია.მისი სიმარტივე მოჩვენებითია.ვიწრო გაგებით ესაა რაიმე თვალსაჩინო საქმეში დახელოვნება, დაოსტატება; ფართო გაგებით, ამ ძველ ესთეტიკურ, ისტორიულ ცნებას, განმარტავენ, როგორც კულტურის არსებით ნაწილს, ადამიანის შემოქმედებითი საქმიანობის ცვალებად გამოვლინებას, ცალკეულ ხელოვნებათა მთელ სისტემას იტექტურა, სახვითი ხელოვნება, სკულპტურა, გამოყენებითი ხელოვნება, ცეკვა-სიმღერა.

ხელოვნების დარგები

არქიტექტურა
გრაფიკა
დეკორატიული ხელოვნება
თეატრი
კინოხელოვნება
ლიტერატურა
მუსიკა
სკულპტურა
ფერწერა
ფოტოგრაფია
ქორეოგრაფია

სახვითი ხელოვნება

სახვითი ხელოვნება მოიცავს მხატვრობას, სკულპტურას, ფოტოგრაფიას და ხელოვნების სხვა ისეთ სახეებს, რომელთა პირველადი ბუნება ვიზუალური ხასიათის ნამუშევართა შექმნაა. სახვით ხელოვნებას განასხვავებენ საშემსრულებლო ხელოვნების, სიტყვის ხელოვნების,კულინარული ხელოვნებისა და სხვა მსგავსთაგან; თუმცა განსაზღვრება მკაცრი არ არის და მრავალი ხელოვნების შემსწავლელი დისციპლინა მოიცავს სახვით ხელოვნებას სხვა ტიპის ხელოვნებებთან მიმართებაში.